تعذيب اسرة مصرية فى الاردن
هو ايه اللى بيحصل ده؟ ليه احنا دمنا رخيص كده ؟ ليه مفيش حد احنا عنده غاليين
للدرجة دى كم جندى مصرى بيتقتل على الحدود المصرية مع غزة؟
اتعملهم ايه حد اخد حقهم؟
ولا الللا غرقوا فى العبارة ؟
ولا اللى جثثهم موجودة على سواحل العالم مرميين زى الكلاب؟
ولا اللى بينضحك عليهم بحجة حنسفركم بره بياخدوا خازوق فى الاخر وتتاخد فلوسهم وتحويشة العمر؟
ولا المواطن اللى قتلته العبارة الامريكانى؟
ولا كام مواطن اللى ماتوا منا لتعذيب على ايادى خنازير الشرطة؟
ولا الدكتور الياس اللى طلعوا عينه برضه فىا لاردن وعذبوه وبهدلوه عشان راجع بلده ورجع متكسح ومضروب على ايدى خنازير شرطة الاردن؟
ولا ايه ولا ايه ولا ايه كل دول مين ياخدلهم حقهم ؟
مين ياخد للمصرى حقه مين يعمل للمواطن المصرى حساب
ده لو اى مواطن فى اى دولة بره او حتى جوه بيحصله حاجة القيامة بتقوم
وتحقيقات وبلاء ازرق
مين يجاوبنى على كل ده؟
انا حدخل فى المفيد انهاردة خبر حادثة جديدة حصلت لاسرة مصرية جراء التعذيب على ايدى خنازير الشرطة الاردنية
صورة للاسرة المصرية
الحكاية ومافيها يجدعان ان المواطن سعد ابراهيم محمد غيتة اللى قدامكم فىا لصورة ومراته وولاده اتعرضوا للتعذيب النفسى والجسدى على ايدى حيوانات شرطة الاردن بمنطقة البادية الملكية
وحصل حريق يوم 15 فبراير فى مزارع منطقة ام الرصاص ادى الحريق الى وفاة 2 عمال زراعيين فقامت الشرطة قبضت على سعد هو وولاده ومراته واحتجزوهم لحد يوم 20 فبراير
واكد ابو سعد الحاج محمد غيتة محمد اللى عايش فى مركز ببا فى محافظة بنى سويف بان اينه سعد محتجز بدون اى وجه حق واتعذب بجميع الوان التعذيب وتم استدعاء ولاده اللى كانوا محتجزين فى غرفة تانية مع خالهم ابراهيم حسن محمد المقيم فىا لاردن وهددوا سعد بانهم حياخدوا ولاده ويقعدوهم فى دار رعاية
وطريقة التعذيب ان سعد علقوه من ايد واحدة فى سقف القسم لمدة تلات ايام وتغميم العينين ووضعه فى الصحراء لمدة 3 ايام بدون لا اكل ولا شرب والشرطة كمان ههدته بانهم حيقتلوه ويدفنوه فى الصحراء واجبروه علىا لاعتراف بحاجات هو معملهاش نفس سياسة الداخلية المصرية الحقيرة تلفيق قضايا
وابو سعد بيؤكد ان ابنه متعرضش على دكتور حتى عشان يثبت حالة التعذيب اللى حصلتله وناشد الاب فى اخر كلامه بتدخل وزير الخارجية البطيخى لانهاء الازمة
ياترى الداخلية ممكن تعمل حاجة فى حياتها مرة واحدة وتنقذ الاسرة دى من التعذيب والتهديد والضياع؟
المصيبة ياجماعة انا لحد دلوقت مفهمتش ايه سبب اخدا لاسرة دى والقبض عليهم انتوا مش ملاحظين كده؟
زى مابيحصل فى مصر المخروبة بالضبط يقبضوا على ناس مالهمش لا فى الطور ولا الطحين ويلفقولهم قضايا ويعذبوهم وفىا لاخر منعرفش ايه هو السبب