مش حقول حاجة
مفيش كلام يتقال
ويمكن تقولو ليه مكتبتش عن غزة ومغطتيش المظاهرات ليه
حقولكم ان الحاجات دى مش عايزة كلام شبعنا بقى واتهرينا
واللى بيعمل وبيروح مظاهرة بيعملها عشان يحس بقيمة الانسانية جواه
يحس ان عنده دم مش شوية جبلات قاعدين
واللى يقولولى واحنا مالنا بغزة ومصر فيها كافيها اقولهم مع كل احترامى طز فى حضراتكم
لانكم بالكلام ده متعرفوش يعنى ايه احساس او كرامة او ان زى الانسان يحس بالانسان اللى زيه
ويبقى تسكتوا احسن لالالا تتخرسوا افضل
وطز فى الادارة المصرية فعلا
وطز فى اى حد شتمنا وشتم مصر لانهم جهلة
وطز فى نصر الله اللى عايزنا نعمل مظاهرة مليونية بالمقاشات وحلل الملوخية والجيش والامن يعملوا مدبحة مصرية فى الحتة دى هو جاهل برضه
وبالنسبة للحلل والملوخية هو مقلش كده طبعا ده انا اللى بقول لان احنا مفيش فى بيوتنا غيرهم
السنة اللى فاتت وهى بداية الطريق لى للتدوين
جبت ماحدث فى 2007 واتمنيت تكون 2008 احسن
لكن السنة دى مش حعمل حاجة لاحجيب ولااودى ولاازفت
ومش حقول حاجة
2006 زى 2007 زى 2008 زى 2009 زى زى زى
كل السنين زى بعضها مش فارقة
حنحس بالفرق لما نتغير من جوانا ونبقى فعلا شعب فيه رجالة مش شوية خلاخيل
ولما يبقى عندنا شباب بجد مش شوية فرافير
ولما يبقى عندنا بنات بجد مش شوية قمامير
ولما يبقى عندنا ستات بجد مش شوية كلامجيين
ولما يبقى عندنا اطفال بجد نربيهم زى صلاح الدين
وبس معنديش كلام تانى
انا حغيب عن المدونة لفترة ومعرفش قد ايه زى ماتيجى
ويمكن مااكتبش تانى لسه معرفش
والسلام ختام
يسلم لسانك وايدك فعلا اصبحنا فرافير اصبحنا نتمنى ان نخرج بمظاهرات مصوره لتعرضها على احفادنا ونقول لهم احنا خرجنا قولنا لا في الوقت الي لو احفادنا موجودين الان في الدنيا كانوا ادونا بالاحزيه لان احنا الي هنكون السبب في الي هما فيه بسبب سكوتنا على حكام حسبنا الله ونعم الوكيل فيهم لكن بردوا انا عايز اقولك حاجه ده مش معناه ان احنا نسكت فالمصور له دور والمزيع له دور والشاعر له دور والاغنيه لها دور والتعاطف له دور جميع هذه الادوار هلى من اهم العوامل التى تقوم بنجاح دور السلاح والمقاومه
Comment by الحقيقه المصريه — January 8, 2009 @
نقلا عن الشبكه العربيه للمعلومات وحقوق الانسان
صدور حكم قاسي بتغريم المدون تامر مبروك في قضية سب وقذف
القاهرة في 21 يناير 2009
أصدرت امس محكمة جنح الزهور ببورسعيد حكمها بتغريم المدون تامر مبروك صاحب مدونة الحقيقة المصرية
بمبلغ 2500 جنيه مصري وتعويض مدني بمبلغ 40 الف جنيه لصالح شركة تراست للكيماويات،
في قضية سب وقذف اقامتها الشركة ضد المدون في شهر يونيو الماضي 2008.
وكانت شركة “تراست للكيماويات” قد اقامت جنحة مباشرة
ضد تامر مبروك صاحب مدونة
“الحقيقة المصرية- http://elhakika.blogspot.com ”
تتهمه فيها بالسب والقذف، لكتابته عن المواد الكيماوية التي تلقي بها الشركة في بحيرة المنزلة وقناة السويس
التي لها اثارها البالغة علي صحة المواطنين والثروة السمكية. هذا فضلا عن ظروف العمل القاسية
التي يعانيها عمال الشركة والتي كانت سببا في قيام العمال باعتصام يطالبون فيه بوقف حالات الفصل
وحصولهم على نسخ من عقود عملهم بالشركة.
ورغم ان الشركة المدعية لم تقدم سوى صور ضوئية من المستندات المطعون بصحتها
والتي قد دحضها دفاع المتهم ورغم شبهة عدم دستورية نصوص المواد القانونية التي استندت اليها
هذا الدعوي وإقامتها بطريق غير الذي رسمه القانون مخالفة لنص المادة 3 من قانون الاجراءات الجنائية ،
بالاضافة الي تجاهل الحكم بنص المادة 60 من قانون العقوبات والتي اقرت
عدم سريان احكام قانون العقوبات علي كل فعل ارتكب بنية سليمة ومخالفة صريحا لنص المادة 47 من الدستور
والمادة 19 من العهد الدولي الخاص بالحقوق المدنية والسياسية
واللتين قد كفلتا الحق في حرية التعبير.والملفت للنظر ايضا إهمال ما ابداه دفاع المتهم
من توافر اركان وشروط النقد المباح عن واقعة صحيحة ولها اهميتها لدي الجمهور وايضا
عن التجهيل بمواد الاتهام التي لم ترد باصل عريضة الدعوي المنوه عنها
وعدم تحديد الالفاظ التي زعمت الشركة انها تشكل سباً وقذفاً.
و تري وحدة الدعم القانوني لحرية التعبير بالشبكة العربية لمعلومات حقوق الانسان
أن هذا الحكم قاسٍ وتنفيذه يعد قمعاً وانتهاكاً غير مقبول لحرية الراي والتعبير
ومجافاة للحق الأصيل في النقد المباح ليؤكد من جديد اننا اذا ما تقدمنا خطوة في مجال حرية الراي والتعبير
فإنه بإمكان حكم جائر كهذا العودة بناء خطوات عديدة إلى الوراء.
فقد كانت وحدة الدعم القانوني لحرية التعبير بالشبكة العربية تأمل ان ينتصر القضاء للحق
في النقد البناء ولحرية الراي والتعبير،
وهي تؤكد مرة ثانية الحاجة القصوى إلى تغيير تلك القوانين المقيدة للحريات،
السيف الذي يبقى إلى ذلك الحين مسلطاً على رقاب كل صاحب راي. حول تفاصيل القضية :
http://www.anhri.net/press/2008/pr0608.shtml
http://www.anhri.net/press/2008/pr0707.shtml
Comment by elhaqeqa — January 21, 2009 @
كل سنة وانت بكل خير
لا زلنا في انتظارك
Comment by حائر في دنيا الله — February 13, 2009 @