التقرير الاخير
للاسف حدث ماكنت اتوقعه الاضراب فشل
وطبعا هواجسى كانت صحيحة واكيد فى مليون سبب لفشل الاضراب
انا كنت بجد سعيدة بنجاح اضراب 2008 لكن كنت اشك فى نجاحه هذا العام
المهم انا بجد نفسى اذا كان يعنى ليا عمر وعشت للسنة الجاية اشوف اضراب متنظم زى 2008 ومبارك طبعا هيكون موجود لانه شارب اكسير الحياة والخلود والشراب ده بيخلى البنى ادم يعيش اطول فترة ممكنة فلازم الاجيال الجاية تتعود على شوفته البهية وتتعلم ازاى تعمل اضرابات كويسة زى2008
من الاسباب الجلية والواضحة لفشل اضراب امبارح ان الناس مكنتش مهيأة للاضراب ده مع العلم ان كانت فى حملة كبيرة لنشر فكرة الاضراب
ثانيا فى مثل بيقول لايلدغ مؤمن من جحر مرتين واللى اتلدغ السنة اللى فاتت خاف يتلدغ تانى فمشاركش ودى
كانت نتائجها سلبية لان ممكن الواحد يتلدغ مليون مرة ومش هيأثر فيه لو عنده ارادة
امبارح كأنى بشوف مظاهرات غزة نفس الغضب ونفس المعالم مفيش ادنى مشاركة من الشعب كليا الناس رايحة مشاغلها عادى والحياة ماشية طبيعى جدا الا اماكن معينة هى اللى تلاقى فيها مظاهرات كم جامعة؟ معرفتش غير جامعة حلوان والقاهرة بس والباقى كله فين؟
اسكندرية كانت انهاردة تعج بالناس مع ان المواصلات كانت قليلة بنسبة واحد فى المية والسير سالك جدا
كلمة اخيرة ياللى مشاركتوش فى الاضراب سواء نجح او منجحش مينفعش تعيشوا كده واللى يخاف مش هيعيش
وبوجه كلمة للى شاركوا فى اضراب السنة اللى فاتت واضراب السنة دى لا برضه انتوا جبناء خفتوا من اول لدغة لكن بقولكم برضه اللى يخاف ويعيش فى الضلمة هيموت بالبطىء
اخر حاجة عايزة اقدمها ليستة اللى تم اعتقالهم وهيخرجوا ان شاء الله بالتدريج
شمس عوض إبراهيم الفخاخرى ونور الدين حمدى أحمد وأحمد محمد حسن الغيطى ومحمد عبد التواب السيد وأحمد عطا الله فواز وعمرو أبو العنين محمود إبراهيم ومدحت شاكر محمد حميدة وسالم سيد محمد عوض ومحمد حماسة سعد، وقررت النيابة استمرار حبسهم مع العرض باكراً.
فى الإسكندرية تم القبض على محمد رمضان، وقررت النيابة حبسه خمسة عشر يوماً، كما تم القبض على تامر سعيد وتم إطلاق سراحه اليوم وعبد الرحمن فارس، وقررت النيابة إخلاء سبيله.
وفى بورسعيد، تم القبض على إسلام ناجى، ويتم عرضه مساء اليوم على النيابة، وفى المنوفية تم القبض على ممدوح النظامى منسق كفاية، ويعرض باكراً أيضا على النيابة، كما تم القبض على أربعة طلاب مجهولة أسماؤهم حتى الآن.
وفى جامعة عين شمس، تم القبض على تسعة طلاب، من بينهم الناشط الإخوانى أحمد عبد المنعم أبو الفتوح الطالب بكلية التجارة جامعة عين شمس نجل الدكتور عبد المنعم أبو الفتوح وإبراهيم هنداوى ومنصور ناصر وأحمد سمير الناشط فى لجنة الدفاع عن حقوق الطالب ومحمد حجازى وأحمد سمير من شباب 6 أبريل.
وفى الشرقية، تم إلقاء القبض على نشطاء حزب الغد محمد عبد الرحمن ومحمد يوسف، كما تم القبض على الصحفى حسام فضل مصور المصرى اليوم أثناء متابعته الأحداث الجارية بجامعة عين شمس، وتم الإفراج عنه من قسم أول مدينة نصر، بعدها بساعة.
وفى دمنهور تم القبض على حسام حسين يونس ونجاح رياض أثناء تواجدهما فى منزلهما.
وكل اضراب وانتوا طيبيين
ويبقى الحال كما هو عليه لحد مااكسير الخلود يخلص من جسم مبارك يمكن ساعتها نفوق