طائـــــر الحــــرية

دلوقت بيعملوا الصرف الصحى وبيغيروا المواسير وكله الحمدلله ماشى عشان حيعملوا العمود اللى فى المنور وقربوا يخلصوا ان شاء الله

بالنسبة للترميم ثبت ان اعمال الترميم للاعمدة الثانوية حتكون من اول الدور الاول ثم الثانى ثم الثالث فقط لاغير

وحيكون ان شاء الله فى اجتماع بعد صلاة الجمعة مع المهندس الاستشارى القائم على اعمال الترميم والسكان ورئيس اتحاد ملاك 
العمارة اللى عايز يخلع بأى وسيلة ويسيب العمارة بدون رئيس اتحاد ملاك وشوفوا عايز بيسيبها فى الوقت ده

ولا حول ولا قوة الا بالله عموما مش مشكلة فى الف واحد غيره بس هما يرضوا اصلا يمسكوها

ربنا يتمم كل شىء على خير ويحفظ هذا البناء ان شاء الله

كان المفروض فى اجتماع انهاردة للسكان بيرأسه رئيس اتحاد ملاك العمارة والمهندس الاستشارى القائم على اعمال الترميم

ونظرا لان المهندس فى الحج فتم تأجيل الاجتماع لبعد العيد ان شاء الله وعليكم خير

بعد صلاة الجمعة وحنتفق على كل حاجة وان شاء الله الاعمال تكمل

وان شاء الله السكان تتحرك

بالنسبة للتهويل الاعلامى اللى حصل هو ممكن يكون سىء وفى نفس الوقت جيد

سىء فى انه خيل لبعض الناس افكار غلط جدا

وجيد انه ممكن يخلى السكان اللى مش راضية تفتح شققها عشان استكمال اعمال الترميم تفتح

وده اللى بتمنى انه يحصل

المطلوب دلوقت ان مش عايزين برامج تانية تيجى وتصور عشان خلاص هى مش حدوتنة قبل النوم

الناس عرفت وملايين الناس شافت اظن ده كفاية

ملهاش لازمة بقى البرامج التانية تيجى عشان تتنافس مع 90 دقيقة

والكل عايز يفرد دراعاته بتمنى ان ده يحصل يعنى

وان شاء الله حنقل الاخبار اول بأول وحنقلكم احداث الاجتماع

ونقطة اخيرة احنا عمارتنا زى الفل ولله الحمد بس هى محتاجة شوية ترميمات فقط عشان مستقبلا متضررش وبكرر الجملة دى

عمارتنا من اهم العمارات تعتبر فى اسكندرية وموقعها مهم جدا

لانها واخدة من الشارع الرئيسى وواخدة كمان شارع موازى

هى تعتبر كمجمع سكنى فىا لدور الواحد 8 شقق

العمارة تضم بنك مصر

التامينات اللى عاملين دوشة كل صباح والناس بتيجى انا نفسى بجد التأمينات دى تتنقل لمكان تانى

وورشة ومحل بيع المطابخ

وكانت مسكاها واحدة من اكبر شركات الهندسة فى مصر واظن مش حتبقى اى كلام والكلام ده موجه للناس اللى فهمت غلط

فى ناس بتقولى يعنى عمارتكو حتوقع خلاص وايلة ومش ايلة والكلام ده انا بقول لا

90 دقيقة هول الموضوع اوى وخلاه كبير جدا وخللى الناس تحس ان العمارة خلاص ياقاتل يامقتول

وده خره الاعلام اللى دايما بيكبر من الحاجة

ايوة احنا عندنا شروخ بس فىا لاعمدةا لثانوية فاهمين يعنى اليه الثانوية يعنى مش بتضر العمارة فى حاجة

بس هما عايزين يعملوها عشان متضررش مستقبلا

الاساس عندنا زى الفل

جت لجنة مختصة من شركة هندسية وقالت الاعمدة الاساسية زى الفل وعليهم كمان عواميد تانية سانداهم

بس العيب فى الاعمدة الثانوية الاضافية عايزين يعملولها كمان عواميد جمبها بس هى دى كل الحكاية

وفعلا جت لجنة من الحى وعاينت وقالت نفس الكلام واخدنا تصريح من الحى بأننا نرمم ادى كل الحكاية

بلاش التهويل والخره ده اللى على دماغنا عمال على بطال والناس اللى عايزة تعمل علينا شو اعلامى ياريت تاكلوا تبن وتسكتوا عشان احنا مش ناقصين

مشوفتوش منظر السكان لما شاقوا البرنامج مصدقوش الكلام ده لان طبعا مش هى دى الحقيقة احنا بس اللى نعرف الحقيقة وواحدة اغمى علها وحالة الله يخربيت 90 دقيقة

احنا من غير اعلام ولا زفت كنا حنحل موضوعنا ومش عايزين تبقى قضية رأى عام لان بالمختصر المفيد احنا واخدين كل الاجراءات

وعلى فكرة المحافظ على علم بالعمارة وعارف كل حاجة انا بقول يعنى 90 دقيقة شوفلكم حاجة افيد اعملوها

وربنا يتمها على خير ان شاء الله

اتمنى ان النقاط اللى مكنتش مفهومة فى البوست الاخرانى تكون اتفهمت

عمارتنا تبلغ من العمر 22 سنة

ليها اكتر من 50 عمود واعمدة اساسية واعمدة ثانوية كمان

والاساس زى الفل بس التشطيبات هو اللى كان زبالة

عشان المهندسين اللى معندهمش ذمة ولا ضمير شطبوا اى كلام عشان الفلوس الزيادة

وده طبعا من 22 سنة الارض كانت ملك شركةا لقاهرة

وباعولهالنا يعنى كل مالك شقة دلوقت ليه حصة من الارض

عشان الراجل اللى فى الفيديو واللى حتسمعوه بيقول ان فى ناس بتتمنى انا لعقار يوقع عشان تاخد الارض

والكلام ده مش مظبوط لان العمارة دى ملك للسكان وبما فيها الارض وشركة القاهرة اخلت مسؤليتها من زمان وبعتهالنا

بس السكان لو خايفين علىا لعمارة فعلا لان الاعمدةا لثانوية شرخت وده ممكن يطول الاعمدة الاساسية

فالعمارة كده كده مهددة ومفتحة دلوقت من أثر اعمال الترميم اللى وقفت من اسبوع لان اصحاب الشقق مش راضيين يفتحوا شقههم لتكملة اعمال الترميم وعشان العمارة تبقى زى الفل

مشكلةا لسكان انهم بيقولوا احنا حنروح فين ومفيش مكان بديل

اللهم لا حسد يعنى انا مش بحسد بس فعلا فى ناس  اصحاب ملك ومعاهم فلوس ولان لوران دى مش بيسكنها اى حد برضه لانها من ارقى مناطق اسكندرية

يعنى يقدروا يتصرفوا وكمان المحافظ لازم يتحرك ويجتمع عشان خاطر العمارة دى

والمحافظ بيقول انه عامل شقق طوارىء عشان الناس اللى متحججة يعنى اهو ممكن يروحوا يسكنوا فيها بس اتمنى ان كلام المحافظ ده يكون صح كرهنا الوعود

انا اعارفة انا لمحاقظ بتاعنا مش بيقصر فى الحاجات دى وخصوصا فى العمارت والبنايات

واهو شغال ازالة للمخالفين اللهم صلى علىا لنبى فياريت يشوفلنا موضوعنا

بتوع 90 دقيقة جم عندنا انهاردة وصوروا وبصراحة منظر الاعمدة وحش جدا احنا طالعين نازلين شايفين المنظر

المهم

دى فيديوهات انا صورتها للبرنامج والتقرير اللى اجيبه عن حالة العمارة

http://www.youtube.com/watch?v=kZrCubN1uiM

http://it.youtube.com/watch?v=WNdjADB30Ms

المهم انا عايزاكم تدعولى واللى رايده ربنا حيكون

والسكان لو ماتحركوش يبقوا يقابلوا بعض فىا لجنة بقى وساعتها محدش يبقى يكتب يقول الاهمال والبطيخ

اهو زى ماانتوا شايفين المشكلة كلها فى السكان

اتمنى الموضوع ده ينتهى على خير وبتمنى انا لعمارة دى تبقى زى  الفل لانى بحب بيتى جدا

وبصراحة فيه ذكرياتى كلها وبتمنى يفضل

يارب انا ممكن اكون فقدت حاجات حلوة كتير فى حياتى بس مفضلش غير ذكرياتى فى البيت ده

واللىب يفكرنى بوالدى الله يرحمه يارب يارب تحفظ العمارة دى

وعلى فكرة موسى ده بيكمل خطة امن الدولة بااحتلال حزب الغد ودماره كليا من اول الناس اللى فيه جوه لحد اهو ماحرقه من بره

والكل عارف وخصوصا الناس اللى فى حزب الغد كان فى جواسيس من امن الدولة كانوا بيدسوا نفسهم وسط الاعضاء